LANI APKUMI KANGGWI ALOM NINIK NINAMBE NUNGGULIK-NONGGOLAK EKOGORIK ENOGO PAGA


November 8, 2018

“ Apkumi Lani apkumi, ninanagale ake, yimendek-ndimendek ninik ninambe paga laganiyak kenok, nonggomengarak mban mamunik aret nunggwi logowok”

Nit akumi Lani akumi yogondak ekogorik enogo, ninone ninandogon erom erom engga nunggwi ogorik enogo apkumi Nggiru labu enogo  inone inendogon  Witeto-Mateto paga abu liru awina nen, mamuninabir nggok agelogonet nit ninone ninandogon enogo mbuluk arinage logonet lek arit muk panggo agan nageme, nit abu niniki lipatuwok.

Ambe nit apkumi Lani kanggwi ogorik eti, niyo kumili niyo nunggwi enogo mbanak lek aret, nunggwi kunik aret wonogwe me, nit kanggwi nggok age aret age agarik, Niyo kumili niyo yi, o man paga ninumbuwi nonggwe logolik aret kwe, nit apkumi  Nggiru Lambu inone inandogon wagonggo nogorik, ekwi waganggwi logonet nit kanggwi nggok ariwage.  Nit niniki ninanuako Allah nen peregerak wonage aret me ti paga , lipatinuk konggolorak aret, niyo kumili niyo ti mendek agaro, ninumbuwi yakologolik, Tawi, Woromo agaro perak yakonarak nde enadage kumili niyo, Wisiki inom, Juniper, inom, Votoka inom agaro niname yugumpaga abu yarak lek aret, kwe nit apkumi Lani  ninik ninambe yiklik uarak, nonggwi ogorik.

Niyo kumili niya ti nunggwi logonet, we aret  apkumi walikokor yogwe logonet kugi maluk andi endage, Wonogan ( HIV/HIDS ) enogomendek ninoba ariwage logonek nit mili apkumi Lani agobaga kanggorak abu ninenggi lingginiyak meyuk aret,  enogi ti alom, ninandogon bobunuk akumi inandogon kologorak enogo paga ninorit wage eti aret.

Yogondak nit lipatiyak ti, wone kunume wone kolewi punuk nagarak enogo nit pipak pelarogo ninak ninapuri mamunirorak induk apkumi apir Lani agopaga kinayonggo pogo, ninametak, ninakunume tak, nineyabu penah tak, kele nggeronit wororak, kunu awi kambongwi erit wororak aret nit nggino yokirogo wa,wa,wa.

Leave a Reply

Your email address will not be published. Required fields are marked *